.jfif)
.jpg)
الخميس، يوليو 02، 2009
حسنا تحذير هام:
البوست كئيب للغاية تبعا للحالة النفسية، لا يمكن طبعا أكون كئيبة و اكتب كوميدي أو رومانسي، لازم الكلام يبقى تبعا لمقتضى الحال علشان يبقى بليغ.
أي حد مكتئب مثلي لا تقرأ ، ما هو مش نكد بره النت و جوه النت كمان.
قررت أن أصنع هدنة
مع الحياة مع البشر
قررت أن أحيا وحدي
بلا شمس أو قمر
قررت أن أحيا دوما
كما أريد كما أشاء
لا كما يهوى البشر
قررت أن أعقد هدنة مع الحياة
أتنازل قليلا نتصالح قليلا
لتسير القافلة سليمة
و لينزل المطر
سأتنازل عن بسمة
و تتغاضي عن ألم
سأتنازل عن فرحة
و تبعد عني الحزن
سأتنازل عن حريتي
لتضمن لي البقاء
لن أشجب أو اعترض
او استنكر او أرفض
سأعيش كما أنا
جسد يتيه مع الرياح
سأدعها تفعل ما تشاء
مادمت سأستريح
سيهدئ الفوران في عقلي
و الثورة في قلبي
و الموج على لساني
سأهدأ سأسكن
و تظل الهدنة
سأحاول أن أتخلص مني
أن اقتلني أن اهجرني
أن أترك عقلي و ارحل
و سأعرض نفسي للبيع
فمن يشتري
قلب حجر
رئة صدئة
و قلم قد كسر
يدان ضعيفتان
شفتان خرساوتان
قدمان لا يحملان
حتى جسدي أنا
سأعقد الهدنة و ليكن ما يكون
إما أن أشفى
أو انتقل إلى حافة الجنون
و أنت يا من هناك
لا تنتظرني
أنا لن أعود
ملحوظة: لم أجد لونا أسود عن هذا.
ملحوظة تانية : أنا بصراحة ملقتش صورة في دماغي للبوست ده و طبعا أ،نا عايزاله صورة، من غير صورة كده شكله وحش جدا وسط اخواته، فلو أي حد عنده اقتراح لصورة ياريت يقولي، و شكرا مقدما، عارفة أني متعبة جدا.
25 Comments:
Subscribe to:
تعليقات الرسالة (Atom)
سلمت يداكى
حصل ايه لدا كله يعنى
ليه وجع القلب دا كله؟؟
حاولى تخرجى من الحالة دى اللى رسمتيها لنفسك
حاولى تكونى انسانة جديدة
اخرجى للشمس والنور والهوا
كلمى القمر واطلعى العبى مع النوم
خالى شفايفك تغنى وقلبك يرقص وعنيكى تفرح
حاولى عاشن خاطرى تخرجى من الحالة دى
اعملى حاجات انتى بتحسيها بتسعدك
قربى من نفسك واتكلمة معاها وطبطبى عليها
:)
تحياتى
أسعدتنا كلماتك لأنها تعبر كثيرا عن مكنوننا وتجسد بعضا من هواجسنا ونتمنى لك التقدم .
وكل منا له أسبابه
وبشكل عام وبغض النظر إن إحباطاته إلا أنه جيد جداا والخاتمة جائت في سياقها
تقبلي خالص تحياتي
ااااه كنت هنسى
اللينك اللي تحت ده
http://www.mediafire.com/download.php?gnjycmmh0yw
لمجموعة صور قولت ممكن تعجبك منهم صورة ولا حاجة وتكون مناسبة للبوست علشان كده مخترتش صورة بعينها وقولت أنت شوفي أيه اللي يتوافقك مع إحساسك
وإن شاء الله يعجبوكي
وليد
نبتدي نرد على التعليقات الجميلة دي
جحا المصري
شكرا لتعليقك و الحمد لله انه عجبك رغم جرعة النكد الزيادة اللي فيه
***********
حدوتة
معلش هي حالة و بتعدي متعودة انا على كده
و الحر بيساهم كمان في زيادة الحالة كتير
بحاول انفذ اللي بتقولي عليه
اوعدك البوست الجاي يكون كوميدي او على الاقل مش حزين
********************
الاستاذ الكحيان
زائري الدائم حتى الآن
انت الوحيد من لاحظ التحذيرات و مع ذلك فقد قرأت
لا بأس اردت فقط ان لا يلقي على احد حمل انه قد اصيب بالاكتئاب بسببي
أنا أسعد أنها اعجبتك
شكرا جزيلا على تعليقك
****************
استاذ وليد
اولا و قبل كل شيء
شكرا جزيلا جدا على الصور فعلا كلهم تحفة.
انا اخترت واحدة منهم و اهي منورة البلوج ، فعلا مش عارفة اشكرا ازاي
اما عن التعليق فانا سعيدة انك اعجبت بالنهاية ، يمكن لانها غريبة شوية
في النهاية
اسفة اني برد على الجميع في رد واحد و لكنها عادة الكسل و ليس اكثر
شكرا للجميع
تقبلوا تحياتي
الحياة مش سودا
احنا اللي بنشوفها سودا
ثقي أنكِ تستطيعين رؤية ألوان أخرى كثيرة بخلاف اللون الاسود
تحياتي
استاذ احمد عاطف
هي مش سودا خالص انا عارفة بس هي حاليا معايا انا بتجيب الوان غامقة بس
الفواتح باينها خلصت خلاص
شكرا على التعليق
و تقبل تحياتي
مهو بتشدى الناس :)
بس برغم انه حزين
لكن رائع
سلمت اناملك
استاذ عايش و لكن
هو انا بس حبيت ان محدش يكتئب بسببي بس يبدو ان الجميع نفسهم يكتئبوا
هي مش حزينة هي في الحقيقة مليانة نكد
شكرا على تعليقك
و تقبل تحياتي
بس ايه حكاية لكن دي يعني؟
تفبلى مرورى
الاستاذ المهاجر
شكرا على تعليقك
و اتقبل مرورك في اي وقت
ليس المشكلة في عدم وجود هدف
و لكنه لا يتحقق حتى الآن فقط
لذا سأترك الريح تحركني قليلا لأعود بعدها اقوي
تقبل تحياتي
صحيح البوست حزين
لكن فيه اضواء خافته تلمع احيانا ثم تنطفئ ثم تعود ثانيه الى الوميض
بس متهيأ لى دا مش مودك على طول
اصل مودك كدا بيطل كل شويه ويقول انك لسن ما كتبتى
تتغاضين عن الالم
وتبعدين عن الحزن
اليست هذه ومضات فى بحر الحزن
تحياتى
ايه يابنتى الكلام ده يقوله واحد المفروض انه مابيحسش لكن انت ملكة الاحساس ولو قلتى كدة تانى انا هقفلهالك واعد على بابها وبجد انتى جميلة وربنا يوفقك ومنى سلام مصرى دائما
ياااريت اوصل لنصها
كلامك احساسه واصل اوي
بجد بشكرك .
رغما عنا ستمضى خطانا
ورغما عنا يشاء القدر
قد أسلمنا للحب هوانا
قد أذهلنا جمال القمر؟
فلم نرى فالدرب سوانا
ولم نعر للعقل أثر؟
فلا أفلح بالحب لقانا
ولا أجد من القدر مفر
سوى أن ننسى ذكرانا
وأن نحيا رفاق عمر
دى كتبتها من زمان على نفس الوزن
أبو كريم
وأكيد موضوعك ضاف كتير للصورة.
تحياتي
وليد
تحياتي امدونتك الجميلة
كحلى فى اسود
وانا قاعد فى الطلمة
نكد نكد يعنى
ياهلا
الواحد متعود على النكد اصلا
نبدأ الردود علة التعليقات الجميلة جدا اللي وصلتني بالترتيب
اولا استاذ فشكول
هو أنت عندك حق انا مش كده على طول بس انا مودي متقلب جدا
اما عن الومضات فانا بطلب من الحياة انها تعمل كده مش انا اللي هعمل كده
بس ياريتها تسمع الكلام
شكرا على تعليقك و تقبل تحياتي
********************
استاذ لنحيا في اجواء الحب
لا ده العادي بتاعي النكد ده
بس جميلة دي مشكوك فيها جدا
عامة شكرا جزيلا على تعليقك
و تقبل تحياتي
********************
ليكوريكا
لا انا متمنالكش الحالة الصعبة دي ، دي قرارات اليأس
اتمنالك كل خير
شكرا جزيلا على تعليقك و اسعدني انها وصلتلك بالقوة دي
تقبل تحياتي
********************
استاذ ابو كريم
لا ما هو الكارثة اني خريجة اداب عربي يعني دارسة بحور
بس انا مش بحب الشعر مليش فيه يعني و الشعر اولا و اخرا موهبة و انا معنديش الموهبة دي
انا بحب القصة القصيرة و اتمنى انك تقرأ قصتي هل تذكرني و اتمنى برضه انها تعجبك و اكيد هنشر قصص تانية
شكرا جزيلا لتعليقك و تقبل تحياتي
*********************
استاذ وليد
لا ازاي ده الشكر واجب علينا
و بشكرك مرة تانية
بصراحة انت الوحيد اللي عبرني في مسألة الصور دي
تقبل تحياتي
**********************
استاذ هيثم
شكرا جزيلا على تعليقك
***************
استاذ العيسوي
معلش بقى حظك كده
الالوان جت معايا كده علشان النكد
بس مسألة الضلمة دي مليش علاقة بيها خالص
تقبل تحياتي
طبعا برضه الردود مرة واحدة علشان الكسل
و اتمنى ان كلكوا تزوروني مرة تانية
و شكرا للجميع
(اتمنى تزورو مدونتى
)
احسنتى
لكن هناك بعض الهنات فى العمل
لازم تراجعى عليها تانى
حالة الاكتآب حالةعامة ما تقلقيش كل حاجة بتعدى
يابختك عرفتى تعملى هدنة ياختى
اسفى على التأخير في الرد كنت بغير الديكورات في المدونة
اولا سيف
شكرا على تعليقك و مفيش سوري و لا حاجة انا مجنونة و بعتز بده
*****************
استاذ هاني
شكرا على تعليقك
اما عن الهنات فلم افهم ما تقصد
هل هي الاخطاء الاملائية لانه بالفعل كان هناك بعض الاخطاء و اصلحتها
اما لو اخطاء اخرى في الوزن مثلا فهذه خاطرة و ليست قصيدة
شكرا جزيلا على تعليقك
***************
استاذ حلم بيعافر
احنا هنبتدي قر و حسد من اولها ليه بس
خلينا كويسين و عقبالك لما تلاقي هدنة
تقبلوا تحياتي جميعا
شهودة
اسعدني انها اعجبتك
شكرا جزيلا على التعليق
تحياتي لكي