سـلام مـؤقـت
قبل 3 أيام
.jpg)
الجمعة، يونيو 19، 2009
تحذير: البوست بالعامي
لم أجد أفضل من هذا الاسم لينطبق على حالنا,و اللي مش عارف الاسم يروح يتفرج على مسرحية "شاهد مشفش حاجة", بس ده مش موضوعنا, موضوعنا ان كل حاجة دلوقت عندنا ماشية بالعكس , بالمقلوب او خلف خلاف.
و أصبح المثل الشهير خالف تعرف هو الأصل حاليا.
فمثلا ركبت التاكسي و لقيت علامة كبيرة ملزوقة على الزجاج "ممنوع التدخين" و السواق بذات نفسه هو اللي بيدخن, يظهر العلامة لمنع الحسد و لا حاجة.
علامة ممنوع الوقوف تلاقي جمبها مش أقل من تلات او أربع عربيات واقفين, و كأن العلامة مثلا مش موجودة و ده ليه تفسيرين اختاروا منهم.
1- ان السواق أمي يعني لا بيقرأ و لا بيكتب, و ده طبعا سهل يتصدق.
2- ان السواق اعمي و ده طبعا عادي لان نص السواقين في مصر عمي و النص التاني ما بيسوقوش اصلا.
و ده طبعا غير اللافتات اللي بتحدد السرعات على الطرق, و طبعا اكيد محدش بيشوفها - مش قلنا السواقين عمي- و الدليل اننا بنلاقي ناس ماشية على سرعة 180 و السرعة المحددة 80 بس, و اكيد معذورين لانهم مخدوش بالهم من الواحد.
ما هو الواحد على الشمال ملوش لازمة اليومين دول.
حاجة تانية بلاحظها من زمان و ناس كتير اتكلمت عليها لكن طبعا محدش اتحرك و ده المعتاد, برامج الاطفال اللي بتتعرض الساعة 11 صباحا و كل الاطفال في المدرسة, و لا هما اصلا بيعرضوها للاطفال اللي أقل من سن المدرسة.
في اليابان مثلا - و مش عايزين حد يقلبها قضية وطنية و مصر بلدنا و حاجات كده- برامج الاطفال بتعرض في الساعة خمسة عصر, يعني يكون الطفل رجع من المدرسة و ذاكر واجباته و المفروض انه يتفرج شوية على الكارتون.
انما عندنا الطفل بيتفرج على المسلسلات و الافلام المعروضة للكبار في الاساس, و طبعا مفيش رقابة على الطفل و لا على البرامج اللي بيشوفها, طبعا لان والدته بتتفرج عليه و والده مش فاضي لدرجة انه يشوف ابنه بيتفرج على ايه.
و حاجات كتير لو بصيت حواليك في الشارع و البيت و الشغل هتلاقي الكل بيتصرف بالطريقة نفسها, و كل شيئ بقى ماشي بالعكس.
يتايحت
يعني تحياتي
بواسطة : مجنونة
4 Comments:
Subscribe to:
تعليقات الرسالة (Atom)
أما عن جنوني الحاد فلا شك فيه إطلاقا
و نسيت أيضا أن تذكر أن وزير الصحة لدينا يدخن رغم التحذيرات الشديدة على التدخين و الكثير الكثير، شرفني مرورك
و أتقبل مرورك في أي وقت
تحياتي
واشوف الفيلم العربي ووراه الاجنبي والمسلسل واضرب اخويا لو طلب يشوف كارتون
وكل دا وانا كان عندي 9 سنين
مرة ابويا دخل عليا وانا باتفرج على فيلم 5 باب بتاع نادية الجندي
وعاديكي عاللي حصل
بس على مين الفيلم اتعاد بعدها بشهر واتفرجت عليه كامل وابويا نايم
مصر كلها ماشية بالمقلوب
تحياتي يا اعقل مجنونة
استاذ احمد عاطف
احنا اعتدنا على الوضع المقلوب و لو لقيت حد بيحاول انه يعمل شيء صح الناس كلها بتبصله باستغراب
لما حاولت مرة واحدة اني التزم في لكترو و انزل من باب النزول و اطلع من باب الصعود اصحابي بصولي باستغراب كده و نظرات مريبة
و قالولي ما تخلصي و تطلعي يا بنتي عايزين نلحق المحاضرة و مكررتهاش تاني ابدا
تحياتي